Solveig i Koben

Nytt blogg!!!!!!

jamms tilraun 2..... www.blog.central.is/solveigiris

jii hvað er verið að rugla mann með því að breyta öllu bloggkerfinu? og commentdótið mitt dottið út! glatað!

Anyways. Sól og sumar í Køben! mmmm ég hlakka til að eiga heeeilt gott sumar, þar sem ég get alltaf verið í pilsi og litlum bol og farið á ströndina og setið í einhverjum park og drukkið bjór. Jei hvað það verður gaman. Það slær sko út þessum einstaka dögum á Austurvelli þegar maður hljóp niðrí bæ um leið og hitinn skreið yfir 15 gráður.

Búin að vera svaka næs helgi. Mamma, pabbi, Sara og Andrea í heimsókn. Það var stíft prógramm alla dagana. Fórum í Legoland á föstudeginum. Ótrúlega gaman að koma þangað aftur, fór sko síðast þegar ég var 7 ára og það hefur ekki mikið breyst. Á laugardeginum fórum við yfir til Svíþjóðar til að heimsækja gamlar slóðir í Malmö og Lund. Geðveikt skrítið að sjá gamla húsið mitt og alla staðina sem við Sara lékum okkur á. Ég var reyndar alltaf að bíða eftir að gamlar og gleymdar minningar myndu hellast yfir mig en það gerðist ekki neitt. Frekar spæló.
Sunnudeginum eyddum við í Tivoli í sól og steikjandi hita. Sara og Andrea urðu veikar eftir froskinn sem fór óvart 3 umferðir svo ég gat ekki dregið þær í rússibanann. Eyddum miklum tíma í skotbökkunum þar sem 10 ára systir mín rústaði öðrum fjölskyldumeðlimum í pílukasti og andarveiðum. Hún fór heim með 5 bangsa!

Glatað ég missi af brúðkaupi aldarinnar á föstudaginn. Danskir fjölmiðlar eru búnir að gleyma allri pólitík og restinni af veröldinni. Sólin snýst um Friðrik og Mary þessa dagana. Neee ég næ nú skrúðgöngunni. Á ekki að vinna fyrr en klukkan sex.

Samt mun verra að missa af Eurovision á laugardeginum. Ég sem var farin að hlakka svo til :o)

Ég er farin að elda sænskar kjötbollur núna handa Elínu og Söru, og byrja á bjórkassanum sem var dreginn heim í dag, eins og gerist gjarnan þegar sólin skín of mikið...

úff púff erfið helgi...en ótrúlega skemmtileg.
Þórunn kom síðasta fimmtudag. Við fórum bara heim og fengum okkur pizzu, drukkum rauðvín og vorum bara að spila og spjalla fram á rauða nótt, enda var mikið kettsjíng öpp tú dú. Á föstudeginum fórum við á Strikið, versla versla versla. Kíktum svo á djammið með Elínu og fleirum um kvöldið. Vöknuðum svaka hressar á laugardeginum. Það var 1.maí svo voða lítið opið. Náðum reyndar klukkutíma í Fields. Dí stórt moll. Það eru sko miklu flottari föt í H&M í Fields heldur en niðrí bæ...bara svo þið vitið af því, tíhí. Rólegt laugardagskvöld heim í hvítvíninu. Brjálæðislega gott veður á sunnudeginum!! Glampandi sól og ótrúlega heitt. Við fórum í einn af görðum Köben og sleiktum sólina. Eyddum svo restinni af deginum í Tivoli. Vííí förum í öll tækin sem við máttum fara í. Þórunn vildi reyndar ekki fara með mér í hringekjuna. Fnuss, mig langaði svo á gíraffann. Vá hafiði farið í fallturninn? Þvílíkt andlegt sjálfsmorð. Enduðum á djamminu og svo heima...aftur í rauðvíninu. Skriðum í bælið um átta leytið í morgun. Ég var dregin á hárinu fram úr rúminu klukkan 12 því Þórunn var sko ekki búin að versla nóg. Fórum aftur í Fields því það var rigning úti.

Núna er Þórunn að fara heim, sniff sniff. 30 kílóum þyngri!!

Ég hef 2 daga til að læra, svo kemur familían. Jeij aftur í Tivoli.

ííííík ég er búin að vera svo löt að skrifa. Ég fór beint í prófvitleysu þegar ég kom heim frá Ítalíu og var bara að klára það síðasta föstudag. Blöh.

Jeij gaman hjá mér núna, mér finnst ég búin að vera stanslaust í prófum síðan eftir jól en núna verður svaka ísí. Bara eitt fag, BioKemi, og ekkert próf fyrr en í lok júní. Vei bara 10 tímar á viku!! Ég þarf að drífa mig að fá vinnu núna á meðan ekkert er að gera. Get voða lítið unnið í sumar. Hei já ég er víst komin á vaktaplanið hjá Reef n Beef en Mike er ekkert búinn að segja mér að ég sé komin með vinnu. Hehehe já ég sko heimalingur þarna, þekki alla með nafni! neeeeeeh tíhí Elín er að vinna þarna svo ég er alltaf að hitta þetta lið á djamminu. Fékk ekki vinnuna á Hard Rock því ég asnaðist til að vera heiðarleg og sagðist ekki ætla að vera á landinu í ágúst. Já borgar sig ekki að segja satt...

Núna er heimsóknartörn að byrja. Þórunn kemur á fimmtudaginn. Víííííí það verður bara djammað og verslað og djammað.

Svo kemur næstum öll familían í næstu viku, mamma, pabbi og Andrea frá Íslandi og Sara kemur frá Englandi. Greyið Bjössi fær ekki að koma með, allt of margir stigar í húsinu mínu :o( frekar leiðinlegt, en ég sé hann í júní þegar ég fer í heimsókn til Íslands.

íííík svo kemur Harpa í byrjun júlí. Hún og Helgi verða hér í aaaallt sumar. Vá það verður svo gaman hjá okkur.

Gleðilega páska!!! Buona pasqua!!!

Svaka stuð hjá okkur í súkkulaðiáti. Ég faldi öll eggin okkar Luca, fengum sko 4. Díí Luca er geðveikt lélegur leitari. úffff borðaði engan morgunmat, bara súkkulaði, áii mér er illt í maganum. Núna er ég hætt, mig langar í góðan páskamat. Við þurfum að ákveða okkur núna hvað við viljum gera, ýmislegt í boði. Fara uppí fjall og hitta foreldrana hans og fá gott að borða, fara til ömmu hans og afa, þar sem eru fleiri ættingjar og gott að borða, fara niðrá strönd og hitti vini eða fara uppí fjall á skíði með öðrum vinum......hmmmm en við erum svo löt ætli það endi ekki bara með því að við höngum hér í Torino og förum út að borða....

Komin til Torino

Já þá er ég komin hingað aftur. Ég er að reyna að læra þar sem Luca er í vinnunni í dag. Ekkert sérstaklega gaman. Í gær var æðislegt veður, 20°C hiti og glampandi sól, svo ég sat bara úti á svölum með efnafræðibókina mína! mmmm. En núna er rigning svo ég þarf að hanga inni.

Í gærkvöldi fórum við svo út að borða með foreldrum hans Luca á einhvern nýjan stað. Ég fékk mér þessa svaka steik og ég held ég verði alla næstu viku að melta hana....Ég borða eiginlega aldrei kjöt í Danmörku...nema í skinkuformi ofan á pizzu tíhí.

Ætli við kíkjum ekki aðeins á næturlífið hér í Torino í kvöld. Hér er allt opið þótt það sé föstudagurinn langi. Opnar ekki á miðnætti heima á Íslandi? Eini frídagurinn hérna er annar í páskum, það er nú varla hægt að telja páskadag með, því hann auðvitað sunnudagur.

Annar í páskum er pikk-nikk dagur...vona að það verði veður eins og í gær en ekki rigning ehehe. Kannski við förum niðrað sjó...það er víst aðeins betra veður þar...

Detta mér allar dauðar lýs úr höfði.......haldiði ekki að það sé barasta byrjað að snjóa hér í Kóngsins København.....hmmm best að tékka á veðrinu í Torino.....nei sko 18°C...hahahahaha

Mér finnst rigningin góóóóð...

oh það er svo ömurlegt að hjóla í rigningu. Ég er alveg rennandi blaut. Eg er ekki með neitt afturbretti svo það skvettist upp á bak ef ég næ ekki að svinga framhjá pollunum. Svo þarf ég að gefa vel í svo strætó nái mér ekki og drekki mér í pollavatni. En mér er aaaaaalveg sama!! Því ég er búin með fyrirlesturinn og komin í páskafrí og ÉG ER AÐ FARA TIL ÍTALÍU Á MORGUN!!! veiii gaman hjá mér.

Ég er farin að pakka og taka til. Vil ekki skilja allt eftir í drasli fyrir Söru þegar hún kemur heim frá Berlín.